एनआरएनए आईसीसीको वार्षिक साधारण सभामा प्रस्तुत हुने प्रतिवेदन सार्वजनिक

गैरआवासीय नेपाली संघ (एनआरएनए) को वार्षिक साधारणसभामा प्रस्तुत हुने वार्षिक प्रतिवेदन सार्वजनिक गरिएको छ । एनआरएनले आगामि अक्टोवरमा हुने साधारणसभामा प्रस्तुत हुने वार्षिक प्रतिवेदन सोमवार सार्वजनिक गरेको हो ।

एनआरएनएको अक्टोवर ११- १३ तारिख सम्म हुने वार्षिक साधारणसभामा महासचिव गौरीराज जोशीले प्रस्तुत गर्ने तयारी रहेको यस प्रतिवेदनमा १६ बुँदे कार्य प्रगती विवरण प्रस्तुत गरिएको छ । जस अन्तरगतको प्रगति विवरणमा मुख्य रुपमा वैठक, क्षेत्रीय बैठक, राजनीतिक दलका नेताहरुसंगको भेटघाट, सेमेनार, अन्तरक्रिया, रक्तदान, स्वास्थ्य सामग्री हस्तान्तरण लगायतका मुख्य शिर्षकलाई प्रमुख उपलब्धिको रुपमा समावेश गरिएको छ ।

संघका गतिविधी भन्दा कार्यकारी अध्यक्ष कुल आचार्यको सक्रियतामा भएका गतिविधिहरुका समावेश सार्वजनिक विवरणमा केही महत्वपूर्ण बिषय र शिर्षकका बारेमा भने उल्लेख छैन जसमा अमेरिका लगायत दर्जन भन्दा बढी देशमा रहेको विवाद समाधान, सल्लाहाकार, संरक्षक, आइसीसी सदस्य मनोनित हुन नसक्नुको कारण लगायतका शिर्षकलाई ओझेलमा राखिएको छ ।

अविभावकिय हैसियतमा रहेपनि एनआरएनए आईसीसीले आफुलाई आम सदस्यसामु चित्तबुझ्दो पारदर्शिता पेस गर्न नसक्दा संघ पटक पटक आलोचित समेत बन्दै आईरहेको छ । शिर्ष बिषयलाई स्पष्ट पेस गर्न नसक्दा अग्र स्थानमा रहेका एनसीसीमा समेत बलियो मापदण्ड निर्माण हुन सकेको छैन । विवाद र विरोधको चौघेरोबाट बाहिरन नसकेका कारण संघ मातहतका एनसीसीले समेत कयौं महत्वपूर्ण विषयलाई पटक पटक नजर अन्दाज गर्ने संस्कार हावि भएको छ ।