स्याङ्जामा मतदाता बोकेको जीप दुर्घटना: १४ जनाको मृत्यु

स्याङ्जा, ३० बैसाख: स्याङ्जाको वालिङमा मतदाता बोकेको जिप दुर्घटना हुँदा वालिङमा १४ जनाको मृत्यु भएको छ । स्याङ्जाको वालिङ नगरपालिका–१४ पञ्चमूलमा मतदाता बोकेको जिप दुर्घटना हुँदा १४ जनाको मृत्यु हुनुका साथै १२ जना घाईते भएका हुन् ।

स्थानीय तहको निर्वाचनमा मत हाल्न शिघ्रेबाट वालिङतर्फ जाँदै गरेको २ च ३०२६ नम्बरको डबल क्याप पिकअप भ्यान सडकबाट डेढसय मिटर तल खस्दा ठुलो संख्यामा यात्रुको ज्यान जानेगरी दुर्घटना भएको हो ।

मृत्यु भएका १० जनाको सनाखत भै सकेको यस घटनाका घाईतेहरुलाई उपचारका लागि पोखरा पठाइएको छ ।

निर्वाचनको दिन भएकाले प्रहरी जनशक्ति कम हुँदा उद्धारमा कठिनाई परेको यस घटनामा वडा प्रहरी कार्यालयको प्रहरी टोली, सशस्त्र प्रहरी र स्थानीयले घटनास्थलमा पुगेर घाईतेहरुको उद्धार गरेका थिए ।