नेपाली राजदुतावास अमेरिकाको कन्सुलर शिविर भोलिबाट
-
युएस खबर संवाददाता - २०७८ चैत्र ९ गते
नेपाली राजदुतावास अमेरिकाको कन्सुलर शिविर भोलिबाट संचालन हुने भएको छ । भोलि देखि अर्थात् डिसेम्बर १५ तारिकबाट २० तारिक सम्म टेक्ससको अभिङ्ग, अस्टिन र ह्युस्टनमा दुतावासले नेपाली लक्षित विविध महत्वपूर्ण विषय संबद्ध कन्सुलर शिविर संचालन गर्ने भएको हो ।
राहदानी नविकरण गैर आवासिय नेपाली परिचय पत्र अर्थात एनआरएनए आईडी र अधिकृत वारेसनामाका विषयमाथी महत्वपूर्ण सेवा विषयक परामर्ष सहितको सेवा प्रदान गरिने यस कन्सुलर शिविर डिसेम्बर १५ १६ र १७ तारिकका दिन टेक्ससको अर्भिङ स्थित नेपाली साँस्कृतिक तथा आध्यात्मिक केन्द्र एनसीएससी को हलमा संचालन हुनेछ ।
त्यस्तै डिसेम्बर १८ र १९ तारिकका दिन अस्टिन स्थित क्यन्स हल कन्ट्री रोड हुट्टोमा र २० तारिकका दिन ह्युस्टनको रिचमण्ड एभ मा सोही प्रकारको शिविर संचालन हुनेछ ।
दुतावास संगै एनआरएनए टेक्सस च्याप्टर, नेपाली समाज टेक्सस, नेपाली साँस्कृतिक तथा आध्यात्मिक केन्द्र, नेपाली समाज ह्युस्टन, ग्रेटर अस्टिन नेपाली सोसाईटी र क्रियटिभ नेप्लिज सोसाईटीको संयुक्त आयोजनामा हुन लागेको यस कार्यक्रम प्रभावकारी बनाउने उदेश्यका साथ दुतावास र टेक्ससका क्रियाशिल ६ संस्थाको संयुक्त आयोजनामा हुन लागेको नेपाली समाज टेक्ससका महासचिव सन्देश उप्रेतीले जानकारी दिएका छन् ।
महासचिव उप्रेतीले दुतावाससंग टेक्ससका संघ संस्थाहरुले सहकार्य गर्ने वातावरणको सृजना, आपसी एकता र सेवा प्रादायक कार्यक्रमको विस्तारमा यस प्रकारका कार्यक्रमले थप मद्यत गर्ने हुँदा कार्यक्रम संयुक्त रुपमा आयोजना गर्न लागिएको बताएका छन् ।
उनका अनुसार शिविरमा उठान हुने ३ वटै केन्द्रिय विषय नेपाली समुदायसंग सरोकार राख्ने महत्वपूर्ण विषय हुन् जसमाथी लामो समयदेखी सामुदायिक चासो र सरोकार रहँदै आएको छ ।
अर्भिङ्ग, अस्टिन र ह्युस्टनमा आयोजना हुने शिविरहरुबाट नेपाली समुदायले प्रभावकारी परामर्ष सहितको सेवा प्राप्त गर्न सक्ने जानकारी सहित आयोजक संस्थाहरुले उपस्थितीका लागि टेक्सस क्षेत्रका सम्पुर्ण नेपालीहरुलाई अनुरोध गरेका छन् ।
-
युएस खबर संवाददाता
अमेरिका
थप सामाग्री
ट्रेन्डिङ
-
राष्ट्र बैङ्कले दशैँमा नयाँको सट्टा…
२०८१ भाद्र १९ गते
-
ममता काफ्ले घटना प्रकरणमा नयाँ…
२०८१ भाद्र २३ गते
-
अमेरिकाको जर्जियामा गोली चल्दा चार…
२०८१ भाद्र २० गते
-
प्रेमीले पेट्रोल खन्याएर आगो लगाउँदा…
२०८१ भाद्र २० गते
-
मुना हत्या प्रकरण : छोरीको…
२०८१ भाद्र २० गते
