एकीकृत समाजवादीले वैशाख ९ गते कम्युनिष्ट पार्टी स्थापना दिवस मनाउने
-
युएस खबर संवाददाता - २०७८ चैत्र ६ गते
काठमाडौं । नेकपा एकीकृत समाजवादीले वैशाख ९ गते देशभर विभिन्न कार्यक्रम गरेर कम्युनिष्ट पार्टी स्थापना दिवस मनाउने भएको छ ।
आज शुक्रबार बसेको एकीकृत समाजवादीको बैठकले अप्रिल २२ को दिन कम्युनिष्ट पार्टी स्थापना भएकोले त्यो दिन पारेर वैशाख ९ गते स्थापना दिवस मनाउने निर्णय गरेको हो ।
एकीकृत समाजवादीका प्रवक्ता जगन्नाथ खतिवडाका अनुसार स्थापना दिवसका अवसरमा काठमाडौंमा एउटा केन्द्रीय कार्यक्रम हुने जिल्लाहरुमा आफू अनुकुल कार्यक्रम हुने छन् ।
बैठकले एकीकृत समाजवादी छाडेका मुकुन्द न्यौपानेको नाम अभिलेखबाट हटाउने निर्णय गरेको जनानकारी पनि खतिवडाले दिए ।
पार्टी दक्षिणपन्थीको सेवक मात्र बनेको र जति खाए पनि नभरिने नेताहरूको चरित्र देखिएको भन्दै नेता न्यौपानेले एकीकृत समाजवादी छाडेको घोषणा गरेका थिए । उनले आफूले राखेको प्रस्तावमाथि पार्टीमा छलफल नगरेको आरोप लगाएका थिए । तर खतिवडाले न्यौपानेले लगाएका आरोप आरोप खण्डन गर्न लायक पनि नरहेको बताए ।
न्यौपानेले पार्टी स्थापनाको उद्देश्य विपरीतको प्रस्ताव राखेको भन्दै खतिवडाले त्यो प्रस्ताव गलत भएको र त्यो प्रस्तावमा उनी बाहेक अरु कसैले समर्थन नगरेका कारण पार्टीमा छलफल नभएको बताए ।
-
युएस खबर संवाददाता
अमेरिका
थप सामाग्री
ट्रेन्डिङ
-
लगातारको हारपछि विराटनगर किङ्सको विजयी…
२०८१ मंसिर १९ गते
-
नेपाल र चीनबीचको बेल्ट एवं…
२०८१ मंसिर १९ गते
-
काठमाडौं गोर्खाज र कर्णाली याक्स…
२०८१ मंसिर १९ गते
-
राष्ट्रपति पौडेलको स्वास्थ्य अवस्था बुझ्न…
२०८१ मंसिर २१ गते
-
कर्णाली याक्स र चितवन राइनोज…
२०८१ मंसिर २१ गते
