गायक बाबा पाख्रिनको ‘कतारको पिलेन’ प्रशंसा सहित सफलताको यात्रामा (भिडियो)

गायक बाबा पाख्रिनको नयाँ गीत ‘कतारको पिलेन’ सार्वजनिक भएको छ । गायक बाबा स्वयंको शब्द ,संगीत तथा संगीत संयोजनमा रहेको यो गीत गायिका प्राश्ना शाक्यसंगको युगल आवाजमा भिडियो सहित यूटुव मार्फत सार्वजनिक भएको हो ।

बैदेशिक रोजगारीमा रहेका नेपालीहरुको मनोभाव र यथार्थतालाई प्रस्तुत गरिएको यस गीतमा लक्ष्मी बर्देवा, सारदा गिरि ‘काली बुढी’ लगायतको अभिनित यस भिडियोमाथी आएका अधिकांश प्रतिकृयामा उनको गीतले नेपाली समाजको वास्तविकतालाई भावुक शैलिमा उतार्न सफल भएको भन्दै प्रशंसा गरिरहेका छन् ।

यसै गीत मार्फत प्रल्हाद चौलागाईंले उत्कृष्ट अभिनय सहित नेपाली कलाकारिता क्षेत्रमा औपचारिक प्रवेस गरेका छन् ।

गायक तथा निर्देशक सशान कंडेलको निर्देशनमा निर्माण भएको भिडियोलाई बुद्ध थापाले छायांकन र बिकास दाहालले सम्पादन गरेका हुन ।

गायक स्वयंको आधिकारिक युटुव च्यानल मार्फत शुक्रबार सार्वजनिक गरिएको छ । यो च्यानलमा जम्म सस्क्राईवर संख्या ४७९ मात्र छ । तर गीतको भिवर ३ दिनमा अर्थात समाचार तयार पार्दा सम्म २४ हजार २ सय भन्दा बढि दर्सक स्रोताले हेरेका छन् भने २०० वटा अत्यन्त सकारात्मक प्रतिकृया आईरहेको छ ।