Trending
युएस खबर संवाददाताबिहे गरेको वर्ष दिनमै दुबईकी राजकुमारीले गरिन् डिभोर्स युएस खबर संवाददाताअमेरिकामा विश्वकप आयोजना गर्नु आईसीसीका लागि अभिषाप सावित युएस खबर संवाददाताहर्क साम्पाङका समर्थकद्वारा पत्रकार धमलामाथि कुटपिट युएस खबर संवाददाताकाभा महिला च्याम्पियनसिपमा नेपाल आज श्रीलंकासँग पहिलो खेल खेल्दै युएस खबर संवाददातावर्षाले राष्ट्रिय सभागृह जलमग्न युएस खबर संवाददाताअमेरिकी राष्ट्रपति बाइडेनलाई कोरोना संक्रमण युएस खबर संवाददाताकाठमाण्डौ महानगरले न्युरोडमा फुटपाथ विस्तारको काम अघि बढायो युएस खबर संवाददाताओमानको समुद्रमा तेल ट्यांकर पल्टिँदा १३ भारतीयसहित १६ जना बेपत्ता

‘राष्ट्रिय ललितकला प्रदर्शनी २०८०’जेठ १५ गतेबाट सुरु हुने

नेपाल ललितकला प्रज्ञा-प्रतिष्ठानले जेठ १५ गतेदेखि १५ दिन लामो ‘राष्ट्रिय ललितकला प्रदर्शनी २०८०’ आयोजना गर्ने भएको छ ।
आइतबार आयोजकले नेपाल कला परिषद्, बबरमहलमा जेठ १५ देखि ३० गतेसम्म ‘म ,मेरो देश र मेरो सिर्जना’ थिममा प्रदर्शनी आयोजना हुने जानकारी दिएको हो ।

प्रर्दशनीका लागि लोककला तथा परम्परागत चित्रकला विधाका कलाकृतिहरु,आधुनिक चित्रकला, वास्तु तथा अन्य सिर्जनात्मक कला, हस्तकला, परम्परागत मूर्तिकला, आधुनिक मूर्तिकला विधाका लगायतका कलाकृतिहरु नेपाल कला परिषद् तथा नेपाल ललितकला प्रज्ञा-प्रतिष्ठानमा राखिने बताईएको छ ।

यो वर्ष प्रतिष्ठानमा दर्ता भएका ६५२ कलाकारका ७५४ कलाकृतिमध्येबाट छनोट गरिएका ६१० कलाकारका ६९७ कलाकृति प्रर्दशनीका लागि राखिने आयोजकले बताएको छ ।
यसवर्ष एक लाख राशीको अरनिको राष्ट्रिय ललितकला सम्मान क्रमशः मदन चित्रकार र मानवहादुर दोङलाई संयुक्त रुपमा प्रदान गरिने राष्ट्रिय ललितकला प्रतिष्ठानका कार्यकारी संयोजक लालकाजी लामाले बताए ।

उनले भने ‘यो वर्ष अरनिको राष्ट्रिय ललितकला सम्मान क्रमशः मदन चित्रकार र मानवहादुर दोङलाई लिने निर्णय भएको छ । त्यस्तै, राष्ट्रिय ललितकला लेखन पुरस्कार तथा राष्ट्रिय ललितकला पत्रकारिता पुरस्कार क्रमशः नगेन्द्रप्रसाद पौड्याल र नारायण प्रसाद ढुंगानालाई प्रदान गरिनेछ ।’
यसै वर्षदेखि प्रतिष्ठानले स्थापना गरेको कला प्रवद्र्धन सम्मान पुरस्कार संगीता थापालाई प्रदान गरिने तथा राष्ट्रिय ललितकला प्रदर्शनी २०८० को सद्भावनादूतको रुपमा अनिल चित्रकारलाई सम्मान गरिने लामाले बताए ।

यस वर्षको ललितकला प्रादेशिक पुरस्कार कोशी प्रदेशबाट सुमन राई, मधेश प्रदेशबाट श्वेता साह, बागमती प्रदेशबाट वाङ्छु मोक्तान (आरके), गण्डकी प्रदेशबाट विश्वम्भर बस्नेत, लुम्बिनी प्रदेशबाट रम्बा चौधरी, कर्णाली प्रदेशबाट सोनम लामा तथा सुदूरपश्चिम प्रदेशबाट चक्रबहादुर थापालाई प्रदान गरिने आयोजकले जानकारी दिएको छ ।

पुरस्कारको राशी जनही २५ हजार रुपैयाँ र ताम्रपत्र रहेको छ ।

 

TOP