Trending
युएस खबर संवाददातानवौँ महिला एसिया कपमा नेपाललाई पहिलो सफलता, यूएई ६ विकेटले पराजित युएस खबर संवाददातान्यूरोडको फुटपाथ विस्तारको विरोधमा स्थानीय र महानगर प्रहरीबीच धकेलाधकेल युएस खबर संवाददाताएक हप्ता बित्दा पनि भेटिएनन् त्रिशूलीमा खसेका २ बस युएस खबर संवाददाताट्रम्पको दाबी: म राष्ट्रपति भएको भए रुस-युक्रेन युद्ध कहिल्यै हुने थिएन युएस खबर संवाददातान्युरोडको फुटपाथ विस्तारको विरोधमा उत्रिए स्थानीय युएस खबर संवाददाताबिहे गरेको वर्ष दिनमै दुबईकी राजकुमारीले गरिन् डिभोर्स युएस खबर संवाददाताअमेरिकामा विश्वकप आयोजना गर्नु आईसीसीका लागि अभिषाप सावित युएस खबर संवाददाताहर्क साम्पाङका समर्थकद्वारा पत्रकार धमलामाथि कुटपिट

गिभिना र नर्सहरुबीच किन चर्कियो विवाद ?

सामाजिक अभियन्ता गिभिना मगरको विषयले यति बेला सामाजिक संजाल तताएको छ । केहिदिन अगाडि काठमाण्डौंको माइतीघर मण्डलामा नर्सहरु शान्तिपुर्ण धर्नामा थिए । पछिल्लो घटनाले समग्र नर्सिङ पेशामाथि नै प्रश्न उब्जिाएकोमा उनीहरुको आपत्ति थियो । नर्सहरुको चरित्रहत्या भएको भन्दै उनीहरु धर्नामा बसेका थिए ।

घटनाको चुरो
कास्कीकी १६ वर्षिया बालिका अर्चना मगरको रक्त क्यान्सरको उपचारमा गिभिनाले आर्थिक सहयोग गरिरहेकी छिन्। उक्त बालिकाको बिपि कोइराला मेमोरियल क्यान्सर अस्पताल (भरतपुर क्यान्सर अस्पताल) मा उपचार भैरहेको छ । जेठ ३ गते बेलुका गिभिनाको टिकटक आइडी गिभिना १८ बाट एउटा भिडियो पोष्ट भयो, जसमा तिनै बालिकाबारे गिभिना र भरतपुर अस्पतालका नर्सहरुबीच भएको सामान्य विवाद देखाइएको छ । गिभिनाले यो भिडियोमा विरामीलाई २ बजे दिनुपर्ने औषधी ४ः३० मा दिएको भन्दै अस्पतालका नर्सहरुले लापरवाही गरेको बताएकी छिन् । तर नर्सहरुले औषधी २ बजे नै दिएको उल्लेख गरिएको उनले भनेकी छिन् ।

तर इमर्जेन्सी केयर युनिटका नर्सहरुले केहि समय ढिला गरी औषधी दिँदा फरक नपर्ने भन्दै बुझाउन खोजिएको कुरा भिडियोमा देखिन्छ । संवादको क्रममा सामान्य विवाद भएको देखिन्छ । उक्त भिडियो सामाजिक संजाल टिकटकमा सार्वजनिक भएसँगै प्रतिक्रियाको ओइरो नै लाग्यो । यसविषयमा अस्पताल प्रसाशनले गिभिनालाई छलफलका लागि बोलायो । गिभिनासाँग अस्पताल प्रसाशन र नर्सहरुको वार्ता भयो । वार्तापछि दुवैपक्षले आफ्नो गल्ती स्वीकार गरी उक्त भिडियो टिकटक मार्फत हटाउने कुरा भयो । यसविषयलाई बढी नलम्बाउने सहमति वार्तामा भएको थियो ।

गिभिनाको टिकटकबाट उक्त भिडियो हटे पनि अन्य प्रयोगकर्ताले भने भिडियो सेभ गर्दै टिकटकमा पोष्ट गर्न थाले ।त्यति मात्रै नभई गिभिनाले अस्पताल बाहिरा टिकटक लाइभमा अस्पतालका नर्सहरुलाई जथाभावि गाली गरेको र चरित्रहत्या हुने गरी शब्दहरु बोलेर टिकटकमा भिडियो पोष्ट गरेको अस्पताल प्रसाशनको आरोप रहेको छ ।

आफुहरुप्रति चरित्रहत्या भएको भन्दै नर्सहरु जिल्ला प्रशासन कार्यलय पुगे अनि यसविषयको कारबाही प्रक्रियाको विषयमा छलफल भयो । नर्सको टोली अस्पताल फर्कन नपाउँदै गिभिना र उनका समर्थकहरुको टोलीसँग जम्काभेट भयो, दुवैतर्फीले आ-आफ्ना तर्क राख्दै विवाद गरेको भिडियो अहिले सामाजिक संजालमा भाइरल भइरहेको छ। गिभिनाका समर्थकहरुले भने एउटा सामाजिक अभियन्ता माथि यस्तो व्यवहार गरेको मगन्तेको आरोप लगाएको भन्दै विरोध गरेका छन् । उक्त घटनामा गिभिनाले बुधबार साझँ दुवै पक्षलाई राखेर भिडियो सन्देश मार्फत माफि मागेकि छिन् । मान्छेबाट नै भुल हुने भन्दै नर्सहरुप्रति यस्तो चोट पुर्याउने आफ्नो कुनै चाहना नभएको बताएकी हुन् ।

यस्तो छ गिभिनाको भिडियो सन्देश–
जुन घटना नघट्नु थियो, त्यो घटनाले हामी सबैलाई दुःखी बनाएको छ । सबैलाई दुःखी बनाउने मेरो उद्देश्य पनि थिएन । म एउटा सामान्य घरपरिवारको छोरी हो । यहाँ अर्चना बुनुलाई नयाँ जीवन दिन्छु भन्ने सोच लिएर आएको थिएँ । तर, त्यहाँ मैले नसोचेको घटना घट्यो, जुन घट्नु हुँदैन थियो । भरतपुर क्यान्सर अस्पतालमा उपचार हुँदै गर्दा यो घटना घटेको थियो ।

त्यहाँ म्याम र मेरो समस्या उब्जेको थियो । त्यहाँ मिसअन्डरस्ट्यान्डिङ भएको थियो । म पनि भावनामा डुबेँ । यो औषधि दिने क्रममा टाइमको फरक पर्‍यो भन्ने कुरालाई लिएर हाम्रो समस्या उत्पन्न भएको थियो । सबै कुरा मलाई जानकारी नभएको कारणले गर्दा मैले एउटा बिरामीलाई असर पर्ला भन्ने सोचेर त्यो टाइम किन फरक भयो भनेर प्रश्न गरेको थिएँ । त्यही कारणले गर्दा यो समस्या निम्तिएको थियो ।

यसको लागि सायद मान्छेबाटै भुल हुन्छ, त्यसै कारणले गर्दा मेरो पनि भुल भएको छ । त्यही भुलले गर्दा धेरैजना जो नर्सिङ पेसामा आबद्ध हुनुभएका नर्सहरूलाई धेरै समस्या आएको छ । त्यो मेरो उद्देश्य र चाहना थिएन । मैले नानुलाई बचाउँछु भनेर मात्र आएको थिएँ । तर, एक्कासि थाहै नपाई यो घटना घट्न पुग्यो ।

यसबाट सम्पूर्ण जति पनि नर्सिङ पेसामा आबद्ध हुनुहुन्छ, उहाँहरूको चरित्र हत्या भएको छ । तथानाम गाली पनि गरिएको छ, जुन कुराले नर्सिङ पेसामा आबद्ध हुनुभएको धेरैजनालाई चोट पुगेको छ । यो मैले चाहेको थिइनँ । म आफैँ पनि फ्लोरेन्स नाइटिङगेलबाट प्रभावित भएर समाजसेवामा रहेको थिएँ । म आफैँलाई पनि नर्सिङ पेसामा आबद्ध हुन मन थियो । तर, मेरो आर्थिक अभावले गर्दा त्यो समय मैले पढ्न नपाएको पेसा हो । मलाई नर्सिङ पेसा असाध्यै मन पर्छ ।

तर, अहिले मेरो अन्जानमा भएको भुलले गर्दा सम्पूर्ण नर्सिङ पेसामा आबद्ध भएका नर्सहरूलाई समस्या आएको कारणले गर्दा उहाँहरूको काम छ, पेसा छ, त्यसमा प्रश्न आएको कारणले गर्दा सबैलाई दुःखी बनाएको छ ।

आगामी दिनमा यो दुःख भोग्न नपरोस् । उहाँहरूले गरिरहेको पेसामा प्रश्न नउठोस् । कहिले पनि यो समस्या सिर्जना नहोस् ।

मान्छेलाई जन्म दिने, बचाउने, भगवान्पछिको डाक्टर, नर्स हुनुहुन्छ । त्यसैले कसैले पनि डाक्टर, नर्सलाई नकारात्मक रूपमा नलिइदिनु होला । हामीलाई गाह्रो भयो भने, बिरामी पर्‍यो भने हामी जाने भनेको हस्पिटल नै हो । त्यसैले मेरो उद्देश्य भनेको उहाँहरूलाई नराम्रो भन्ने, नराम्रो बनाउने थिएन । तर, परिस्थितिले यो मोड लियो । जुन गल्ती म बाट भयो, आगमी दिनमा मबाट यस्तो गल्ती हुने छैन ।

फेरि पनि म सबैजनालाई दुई हात जोडेर अनुरोध गर्छु– जुन उहाँहरूको पेसामा तथानाम गालीहरू भएको छ, विभिन्न खालको प्रश्न उठेको छ, यो कसैले नगरिदिनु होला । मेरो आफ्नो भुलको कारणले उहाँहरूलाई यस्तो समस्या आएकाले म आफैँ दुःखी भएको छु । कसैलाई दुःख दिनु, कसैको मनमा चोट पुर्‍याउनु भनेको एकप्रकारको पाप नै हो । त्यसैले मबाट यस्तो खालको पाप नहोस् र तपार्इंहरूबाट पनि यस्तो खालको पाप नहोस् । मैले जतिजनाको मन दुखाएको छु, नर्सिङ पेसामा जति पनि आबद्ध हुनुहुन्छ, जसको पेसामा दाग लाग्ने काम भएको छ । यसको लागि म क्षमा माग्दै यहाँहरू सबैलाई म अनुरोध गर्छु– नर्सिङ पेसालाई सम्मान गर्नुस् ।

भरतपुर क्यान्सर अस्पताल पहिलादेखि नै सुन्दै आएको हो । असाध्यै राम्रो हस्पिटल, जहाँनेर धेरैजना बिरामी त्यहाँ गयो भने सन्चो हुन्छ भनेर आउनुहुन्छ । मेरो जति पनि फलोअर्स हुनुहुन्छ, हजुरहरूले जथाभावी अनैतिक खालको कमेन्ट नगरिदिनु होला र उहाँहरूको पनि आफ्नो सम्मान, इज्जत छ । डाक्टर, नर्स हामी बिरामीलाई चाहिन्छ । डाक्टर, नर्सलाई पनि बिरामी चाहिन्छ । त्यसैले हामी सबै एकार्काको परिपूरक हौँ । त्यसैले कसैलाई नराम्रो नभनिदिनु होला ।

TOP