ब्राजिलमा अविरल बर्षा: १० जनाको मृत्यु – कयौं बेपत्ता

ब्राजिलमा पछिल्लो २४ घण्टायता परेको अविरल बर्षाका कारण ज्यान गुमाउनेको संख्या १० पुगेको छ भने दर्जनौं घाईते भएका छन् । ब्राजिलको दक्षिणपूर्वी क्षेत्रमा आएको अविरल बर्षा पछिको पहिरोमा पुरिएर एकै दिनमा १० जनाको मृत्यु भएको हो ।

अनवरत रुपमा आएको पानीले एक दिनमै बिभिन्न स्थानमा नियन्त्रण बाहिरको पहिरो जान थालेपछि एकै परिवार तथा छुट्टा छुट्टै परिवारका गरि पहिरोमा पुरिएर उनिहरुको जयान गएको हो ।

बालबालिका समेत पुरिएको पहिरो पन्छाउने काम भै रहेकाले मृतकको संख्या बढ्ने अनुमान गरिएको छ । बर्षा नरोकिदाँ उद्धार कार्यमा कठिनाई भै रहेको अन्तराष्टिय संचार माध्यमले जनाएका छन् ।

पहिरोमा पुरिएर कयौं मानिस घाईते र बेपत्ता रहेको यस घटनापछि ब्राजिल सरकारले बर्षा नरोकिंदा सम्म सुरक्षित तवरले रहन नागरिकलाई आह्वान गरेको छ ।

वर्षा र पहिरोका कारण, बिद्युत, यातायात लगायतका सेवा अवरुद्ध हुनुका साथै ठुलो संख्यामा भौतिक संरचनाहरु पनि भत्किएका छन् ।

TOP