एन्मामा नयाँ कार्यसमिति, अध्यक्षमा दाहाल

शिकागो, अमेरिकामा रहेका नेपालीहरुको पुरानो संस्था एन्मामा नयाँ कार्यसमिति चयन भएको हो । गत साता अनलाईनबाट सम्पन्न साधारण सभाले निर्बतमान महासचिव डाक्टर दिवकार दाहालको अध्यक्षतामा नयां कार्यसमिति बनाएको हो । यस अघी शिकागोमा हुने भनेको सम्मेलन कोरोना महामारीका कारण अनलाईनबाट भएको हो ।

सम्मेलनले बरिष्ठ उपाध्यक्षमा एनआरएन अमेरिकाका बोर्ड अफ डाईरेक्टर समेत रहेका तिलक केसीलाई नै दोहोरायको छ । नयाँ कार्य समिति चयन गर्नका लागि पुर्व अध्यक्षहरु राजेन्द्र खतिवडा, बाला घिमीरे लगायतको निर्बाचन समिती बनेको थियो ।

नयाँ कार्यसमितिका अन्य पदाधिकारीहरुमा सन्जय श्रेष्ठ र उर्मिला पन्थी उपाध्यक्ष त्यस्तै महासचिवमा डाक्टर ओम दाहाल, सचिवमा सन्तोष लामिछाने, कोषाध्यक्षमा बिष्णु न्यौपाने, मिडिया कोअर्डिनेटरमा खेम पाठक रहेका छन् । कार्यसमितिको सदस्यहरुमा बुद्धि ज्ञवाली, बिनोदराज त्रिपाठि, दुर्गा प्रसाद घिमीरे, शुरेस अधिकारी, देब बास्तोला, धिरेन्द्र न्यौपाने, डाक्टर केशब भट्राई, देब सडौला, सन्दीप सिंह र बिष्ण प्रसाद अधिकारी रहेका छन् । एन्मा मिडवेष्ट राज्यहरुमा बस्ने नेपालीहरुको ३५ बर्ष भन्दा लामो समयदेखी सकृय संस्था हो ।