अमेरिकी राष्ट्रपतिमा बाइडेनको जित घोषणा भए लगत्तै रूसी राष्ट्रपति पुटिनको शुभकामना
-
युएस खबर संवाददाता - २०७८ फाल्गुन १९ गते
रूसी राष्ट्रपति भ्लादिमिर पुटिनले नव निर्वाचित अमेरिकी राष्ट्रपति जो बाइडेनलाई बधाई दिएका छन । अमेरिकी इलेक्टोरल कलेजका सदस्यहरूले राष्ट्रपतीय चुनावमा जो बाइडेनको जित भएको पुष्टि गरेसंगै रूसी राष्ट्रपति पुटिनले बधाई तथा सफल कार्यकालको शुभकामना दिएका हुन् ।
रूसी राष्ट्रपति पुटिनले समानता र पारस्परिक सम्मानका सिद्धान्तमा आधारित रुसी-अमेरिकी सहयोगले दुबै देश र समस्त अन्तर्राष्ट्रिय समुदायका जनताको हित हुने भन्दै बाइडेनलाई सफल राष्ट्रपतिय कार्यकालको शुभकामना दिएका छन् ।
अमेरिकी प्रणालीअनुसार मतदाताहरुले इलेक्टोरल कलेजका लागि मत दिन्छन् र ती इलेक्टोरल कलेज सदस्यहरुले राष्ट्रपतिका लागि मत दिन्छन् । इलेक्टोरल कलेजले बाइडेनको जित पुष्टी गरेसंगै अव अमेरिकामा राष्ट्रपती जो बाइडेन रहने आधिकारिकताको बाटो खुल्ला भएको छ ।
नोभेम्बर ३ मा भएको चुनावमा बाइडेनले ३०६ इलेक्टोरल मत पाएका थिए भने उनको विपक्षी वर्तमान राष्ट्रपति डोनाल्ड ट्रम्पले २३२ इलेक्टोरल कलेज मत प्राप्त गरेका थिए । डेमोक्र्याटिक उम्मेदवार बाइडनले ट्रम्पलाई चुनावमा हराएर राष्ट्रपति चुनिएका हुन् । बाइडनले देशव्यापी रूपमा ट्रम्पको भन्दा सात करोड बढी मत ल्याएका छन्।
नव निर्वाचित राष्ट्रपति बाइडेनले अब आउँदो जनवरी २० तारिखमा राष्ट्रपतिको शपथ लिने कार्यक्रम रहेको छ ।
-
युएस खबर संवाददाता
अमेरिका
थप सामाग्री
ट्रेन्डिङ
-
मनकारी पाण्डे जस्ले दिए मन्दिरको…
२०८१ माघ ८ गते
-
अमेरिकामा बन्द भयो टिकटक, कारण…
२०८१ माघ ६ गते
-
चितवनमा एक युवालाई कुटपिट गर्ने…
२०८१ माघ ७ गते
-
यु–१९ महिला विश्वकपमा नेपाल स्कटल्याण्डसँग…
२०८१ माघ ७ गते
-
श्री एयरलाइन्सले उडान ढिला गरेपछि…
२०८१ माघ ६ गते
