नेपाल एयरलाइन्सको दुबई–काठमाडौं रुटको उडानमा सबै क्रु मेम्बर महिला
काठमाण्डौं– अन्तर्राष्ट्रिय महिला दिवसको अवसर पारी राष्ट्रिय ध्वजाबाहक नेपाल एयरलाइन्सले नयाँ इतिहास बनाएको छ । एयरलाइन्सको आजको दुबई–काठमाडौं रुटमा उडेको ए ३२० जहाजको सबै क्रु मेम्बर महिला रहेको छ् । जसमा पाइलट भावना पन्त र को–पाइलट सृजना रावतले जहाज उडाएका हुन् ।
एयरहोस्टेस समेत सबै महिला राखेसँगै यो उडानको सम्पूर्ण जिम्मेवारी महिलाले सम्हालेका हुन् । यो टोलीलाई त्रिभुवन अन्तर्राष्ट्रिय विमानस्थलमा संस्कृति, पर्यटन तथा नागरिक उड्डयनमन्त्री सुदन किरातीले स्वागत गरेका छन् ।
दुई दिन अगाडि चालक दलको यसै जोडीले यो जहाज दुबई लगेको थियो । जुन आफैंमा इतिहास थियो । आज ११३ औं अन्तर्राष्ट्रिय महिला दिवसको अवसर पारेर नेपाल एयरलाइन्सले यो संयोग जुराएको हो ।