उपप्रधान एवं गृहमन्त्री बने रवि लामिछाने: पार्टी स्थापनाको १ बर्ष नपुग्दै ऐतिहासिक जित
-
युएस खबर संवाददाता - २०७८ फाल्गुन १७ गते
राष्ट्रिय स्वतन्त्र पार्टीका सभापति रवि लामिछाने उपप्रधान एवं गृहमन्त्री नियुक्त भएका छन् । सम्पन्न प्रतिनिधि सभा निर्वाचनमा सर्वाधिक मतान्तरले विजयी लामिछाने उपप्रधान एवं गृहमन्त्री नियुक्त हुनुका साथै आजै सपथ ग्रहण गर्दै देशका शिर्ष नेताका रुपमा अघि बढेका हुन् ।
नवनियुक्त उपप्रधान एवं गृहमन्त्री लामिछानेले गृहमन्त्री बन्ने चर्चा पहिले नै चलेको भएपनि गठबन्धनका अन्य नेताले भने सुरुवातमा लामिछानेलाई अरु नै मन्त्रि दिने तयारी गरेका थिए तर लामिछानेले आफु गृहमन्त्री बाहेक अरु कुनै मन्त्री नबन्ने अडान लिंदै यदि गृह मन्त्री अरुले पाए आफु गठबन्धनबाट बाहिरिने दावि गरेपछि वाध्य भएर उनलाई उपप्रधान तथा गृहमन्त्री नियुक्त गरिएको बताईएको छ ।
४९ हजार ३ सय मत सहित ३४ हजार ३ सय १२ मतान्तर को सर्वाधिक मतान्तर सहित निर्वाचित लामिछानेले पार्टी दर्ताकै बर्ष उपप्रधान तथा गृहमन्त्री पदको जिम्मेबारी प्राप्त गर्ने पहिलो नेता हुन् ।
आइतबार बालकोटमा सत्तारुढ दलबीच भएको छलफलअनुसार गृह मन्त्रालय माओवादीले पाउने सहमति । भएपनि लामिछानेले यस कुराको ठाडो विरोध गर्दै आफुलाई गृह मन्त्रालय नदिए समर्थन फिर्ता लिने अडान कायम राखेपछि अन्तत उनि उप प्रधान तथा गृहमन्त्रीका रुपमा उदायका छन् ।
सबैभन्दा बढी काम गर्नुपर्ने स्थान गृहमन्त्रालय भएकाले आफुले गृहमन्त्रालय रोझेको बताएका लामिछानेले आफुले सञ्चारकर्मीका रूपमा काम गर्दा गृह मन्त्रालयको बारेमा सबैभन्दा धेरै गुनासो आउने गरेकाले यसबारे जानकारी र समस्या समाधानका मार्ग आफुसंग भएको समेत लामिछानेले जिकिर गरेका छन् ।
-
युएस खबर संवाददाता
अमेरिका
थप सामाग्री
ट्रेन्डिङ
-
मनकारी पाण्डे जस्ले दिए मन्दिरको…
२०८१ माघ ८ गते
-
अमेरिकामा बन्द भयो टिकटक, कारण…
२०८१ माघ ६ गते
-
चितवनमा एक युवालाई कुटपिट गर्ने…
२०८१ माघ ७ गते
-
श्री एयरलाइन्सले उडान ढिला गरेपछि…
२०८१ माघ ६ गते
-
यु–१९ महिला विश्वकपमा नेपाल स्कटल्याण्डसँग…
२०८१ माघ ७ गते
