काठमाडौंलाई व्यवस्थित गर्न राज्यले कुनै पहल नगरेको सांसद देवकोटाको टिप्पणी

राष्ट्रिय सभा सदस्य खिमलाल देवकोटाले काठमाडौंलाई व्यवस्थित बनाउन राज्यले कुनै पनि पहल नगरेको टिप्पणी गरेका छन् ।

शुक्रबार बसेको राष्ट्रिय सभाको बैठकमा बोल्दै उनले सरकारको विभिन्न निकाय र तहहरुबीच उचित समवन्वय र सहकार्य नहुँदा र आफ्नो भुमिका ईमान्दारिका साथ निर्वाह नगर्दा काठमाडौं संसारको सबै भन्दा प्रदुषित शहरको रुपमा परिणत भएको बताए । उनले भने ‘काठमाडौं शहरलाई व्यवस्थित गर्न यसको गरिमा र ओझलाई कायम राख्न सरकारको जुन सहयोग र तत्पपरता हुनु पर्ने हो त्यो देखिएको छैन् । यसमा सरकार गम्भिर होस । सरकारको विभन्न निकाय र तहहरुबीच उचित समवन्वय र सहकार्य नहुँदा र आफ्नो भूमिका ईमान्दारिका साथ निर्वाह नगर्दा शहरहरु संसारको सबै भन्दा प्रदुषित शहरको रुपमा चिनिन्छन् । ’

काठमाडौं संसारको सबैभन्दा प्रदुषित शहर भनेर विभिन्न समाचारहरु आईरहका छन् यसको लागि सरकारले ध्यान दिनुपर्ने उनको भनाई छ ।
वायु प्रदुषणलाई नियन्त्रण गर्न राज्यले अनुगमन नै नगरेको उनको आरोप छ । प्रदुषणले जनतालाई असुरक्षित महसुश गराएको उनको भनाई छ । उनले यसमा राज्यले व्यवास्था गरेको बताए ।