Trending
युएस खबर संवाददाताकाठमाडौँ महानगरको श्रम बैंक मार्फत ९१२ जनाले पाए रोजगारी युएस खबर संवाददातारुकुम पश्चिममा बाढीले घर बगाउँदा तीन बालिकाको मृत्यु युएस खबर संवाददाताट्रम्पले जेडी भेन्सलाई बनाए उपराष्ट्रपतिको उम्मेदवार युएस खबर संवाददाताकाभा यू-२० महिला भलिबल च्याम्पियनसिप खेल्न जाने टोलीको बिदाइ युएस खबर संवाददाताअमेरिका बस्ने बुढाथोकीको सहयोगमा क्यास एपबाट अबैध कारोबार गर्ने ५ जना पक्राउ युएस खबर संवाददाताचौंथो पटक युरोकप जितेर स्पेनले बनायो विश्व कीर्तिमान युएस खबर संवाददातानवनियुक्त प्रधानमन्त्री ओलीले लिए शपथ युएस खबर संवाददाताकोपा अमेरिकाको उपाधि अर्जेन्टिनालाई

रमेश एमके निर्देशित ‘तिम्रो मेरो साथ’को टिजर सार्वजनिक:साम्राज्ञी र पुष्पको प्रेम अवस्था चित्रण

रमेश एमके निर्देशित चलचित्र ‘तिम्रो मेरो साथ’को टिजर सार्वजनिक भएको छ । नायिका साम्राज्ञी आरएल शाह र नायक पुष्प खड्का स्टारर चलचित्र ‘तिम्रो मेरो साथ’को १ मिनेट ३० सेकेन्डको टिजर शुक्रबार बोधी एचडीको युट्युब च्यानल मार्फत सार्वजनिक गरिएको हो ।

लभस्टोरी जनरामा आधारित यस चलचित्रको टिजरमा साम्राज्ञी र पुष्पको प्रेम सम्बन्धको संयोगान्त र वियोगान्त दुवै अवस्थालाई कलात्मक रुपमा प्रस्तुत गरिएको छ । प्रेममा क्रेजी भएकी साम्राज्ञीले पुष्पलाई प्राप्त गर्नका लागि गरेको कोशिषलाई फरक शैलीमा चित्रण गरिएको टिजरलाई धेरैले मन पराईरहेका छन् ।

सार्वजनिक टिजर हेर्दा निर्देशक रमेश स्वयं समेत निर्माता रहेको यस चलचित्र उनको डेब्यु चलचित्र भएपनि चलचित्र उत्कृष्ट बनेको देखिन्छ ।
आर्यन फिल्मस तथा बोधी एचडी अमेरिकाको संयुक्त ब्यानरमा निर्माण गरिएको चलचित्रमा साम्राज्ञी र पुष्प संगैसरोज खनाल, सन्दीप क्षेत्री, इमिली लामा लगायतका कलाकारहरुको केन्द्रिय भूमिका रहेको छ ।

पासाङ लामा, अर्नव पौडेल, आर्यन पौडेल निर्माता रहेको चलचित्रमा सह–निर्माताको रुपमा निरु भण्डारी, अशोक पोखरेल, सुमन पौडेल र सुधिर पराजुली रहेका छन् । सबिर श्रेष्ठ लेखक एवम् कार्यकारी निर्माता रहेको ‘तिम्रो मेरो साथ’मा शिव ढकालको छायांकन र भुपेन्द्र अधिकारीले सम्पादन रहेको छ ।

आगामी पौष २९ गतेबाट प्रदर्शनमा आउन लागेको यस चलचित्रमा सुभाष भुसाल र योगेश काजीको संगीत रहेको छ। केही महिना अघि ‘रुमालै बाटेर’ बोलको गीत निर्माण टिमले रिलिज गरेको थियो। जुन गीतलाई दर्शक स्रोताले निकै रुचाएका छन् ।

यस अघि चलचित्र ‘मारुनी’मा पहिलो पटक संगै देखिएको साम्राज्ञी र पुष्पको जोडीले यस चलचित्र मार्फत दोस्रो पटक संगै स्क्रिन सेयर गरेका छन् । निर्देशक रमेशका अनुसार चलचित्र ‘मारुनी’मा रुचाईएको यो जोडीलाई ‘तिम्रो मेरो साथ’मा पनि दर्शकले साथ दिने अपेक्षा गरिएको छ ।

टिजर..

TOP