कोरोनाविरुद्धको खोप बनाउँदै गरेका अमेरिकी, बेलायती लगायत संस्थाहरु रुसी गुप्तचरहरुको निशानामा
-
युएस खबर संवाददाता - २०७८ माघ २६ गते
विश्वब्यापी महामारी कोभिड १९ विरुद्धको खोप बनाउने प्रयासमा रहेका मुख्य राष्ट्रहरु रुसी गुप्तचरहरुले निशानामा रहेको बताईएको छ । कोरोनाविरुद्धको खोप बनाउँने प्रयासमा रहेका अमेरिकी, बेलायती तथा क्यानेडियन संस्थाहरुलाई रुसी गुप्तचरहरुले निशाना बनाइरहेको चेतावनी सुरक्षा निकायहरुले दिएका हुन् ।
बेलायतको नेशनल साइबर सेक्युरिटी सेन्टर (एन.सि.एस.सी) ले दावी गरे अनुसार ह्याकरहरुले रुसी गुप्तचर सेवाका लागि काम गरिरहेको र कोरोना भाइरसविरुद्धको खोप बनाउने अभियानका महत्वपूर्ण जनाकारी उनीहरुको निशानामा रहेको छ ।
यता रुसले भने आफू माथीको यो आरोप अस्वकार गरेको छ । रुसले आरोप अस्वीकार गरेको छ र कुनै पनि प्रकारको ह्याक नगरिएको वा त्यसको लागि ह्याकर परिचालन नगरेको दाबी गरेको छ ।
यस अघि रुसले पहिलो पटक आफुले कोरोना भाइरस विरुद्धको खोप तयार गरेको दावी गरेको थियो । इन्स्टिच्युट फर ट्रान्सलेशन मेडिसिन एन्ड बायोटेक्नोलोजीका निर्देशक वादिम तारासोवाले विश्वकै पहिलो कोरोना भाइरसको खोपको क्लिनिकल ट्रायल सफलतापूर्वक पुरा भएको बताएका थिए । उनका अनुसार मास्कोस्थित सरकारी मेडिकल युनिभर्सिटी सेचेनोफले उक्त परीक्षण गरेको हो ।
यसरी आफुले कोरोना विरुद्धको खोप तयार पारेको दावि गरेको रुसले आफैं खोप तयार पार्यो या अन्य देशहरुले गरिरहेको प्रयास ह्याक गरेर उसले महत्वपूर्ण सुचना संकलनका आधारमा खोप बनाउँदै छ त्यसमा भने शंका थपिएको छ ।
-
युएस खबर संवाददाता
अमेरिका
थप सामाग्री
ट्रेन्डिङ
-
विद्यालयमा अन्धाधुन्ध गोली चलाएर पूर्वविद्यार्थीले…
२०८२ जेष्ठ २९ गते
-
ट्रम्पले निष्काशित गरेका नेपालीहरु केहि…
२०८२ जेष्ठ २७ गते
-
अमेरिकामा आजदेखि १२ देशका नागरिकहरूलाई…
२०८२ जेष्ठ २७ गते
-
बाढीले डाइभर्सन बगाउँदा पूर्वपश्चिम राजमार्ग…
२०८२ जेष्ठ ३० गते
-
आप्रवासी प्रदर्शन रोक्न ट्रम्पले चालेको…
२०८२ जेष्ठ २७ गते
