राप्रपाका उमेद्वार तथा कलाकर्मी उद्धव पौडेल १ जनालाई मात्र लिएर बुद्ध एयर विराटनगर उड्यो

राप्रपाका प्रतिनिधि सभाका समानुपातिक उमेद्वार तथा कलाकर्मी उद्धव पौडेलले आज बुद्ध एयरको उडानमा एक्लो यात्रुका रुपमा उडान भरेपछि यो खबर एक रोचक प्रशंग जस्तो बन्न पुगेको छ । आज आज कार्तिक १५ गते काठमाडौंबाट बिराटनगर सम्मको बेलुकी ८ बजेको बुद्ध एयरको उडान मा पौडेल बाहेक कोही यात्रु नभएको तस्विर स्वयं आफैंले सार्वजनिक गरेपछि यो बिषय अर्को रमाईलो संजोग बन्न पुगेको छ ।

नेता पौडेल आफैंले आफुँ जाँदै गरेको स्थान र समय स्पष्ट पार्दै आफुले गरेको यो यात्रा रोमाञ्चक अनुभवको रहेको बताएका छन् । उनले भनेका छन् आज मिति २०७९०७१५ काठमाडौंबाट बिराटनगर सम्मको बेलुकी ८ बजेको बुद्ध एयरको उडान मा म एकल यात्रु रोमाञ्चक अनुभव । संगै स्माईली ईमोजी पनि राखेकाले उनले भने झैं प्लेनमा एक्लो यात्रु हुनु एक गजबै संयोग चाही हो ।

पाईलट स्वयंले पनि ुबुद्ध एअरको इतिहासमा पहिलोपटक यस्तो भएको बताएका छन् भने सम्भवतः नेपालको नागरिक उड्डयनको इतिहासमै पहिलो पटक यस प्रकारको एक्लो यात्रुको उडान भरेको हो ।