न्यूयोर्कको १९ तले भवनमा आगलागी: ९ बालबालिका सहित १९ को मृत्यु – ३२ घाईते

अमेरिकाको न्युयोर्कमा रहेको एक अपार्टमेन्टमा आगलागी हुँदा कम्तीमा १९ जनाको ज्यान गएको छ । न्युयोर्कको ब्रोनएक्समा रहेको १९ तले भवनको दोस्रो र तेस्रो तलामा आगलागी आइतवार आगलागी हुँदा ९ बालबालिका सहित १९ जना भन्दा बढिको मृत्यु भएको हो ।

बिद्युत सर्ट भएर भएको सो आगलागीमा परि ३२ जना घाईते भएका छन् जसमध्य धेरैको अवस्था गम्भिर रहेको अन्ताराष्टिय संचार माध्यमले जनाएका छन् ।

१९ तले भवनको २ तल्लामा आगो फैलिंदा बाँकी तलाहरुमा रहेकाहरुमा समेत असर परेको थियो । ३० बर्ष यताकै आगलागीको अप्रिय घटनाका रुपमा हेरिएको यस आगलागी रातीको समयमा भएकाले पनि मानिसहरु ज्यान बचाउन असमर्थ भएका थिए, आगोको मुस्लो र धुँवाका कारण मानिसहरुको जलेर र निसास्सियर मृत्यु भएको हो ।

राती ११ बजे लागेको आगो नियन्त्रणका लागि करिव २ सय अग्नी नियन्त्रकहरु खटिएका थिए । ५० बर्ष पुरानो सो भवनमा आप्रवासीहरुको बसोबास रहेको थियो । घटनाबारे थप अनुसन्धान भै रहेकाले नेपालीहरु सो भवनमा रहे नरहेको या मृत्यु भए नभएको बारे एकिन जानकारी आउन बाँकी नै रहेको छ ।