Trending
युएस खबर संवाददाताकाठमाडौँ महानगरको श्रम बैंक मार्फत ९१२ जनाले पाए रोजगारी युएस खबर संवाददातारुकुम पश्चिममा बाढीले घर बगाउँदा तीन बालिकाको मृत्यु युएस खबर संवाददाताट्रम्पले जेडी भेन्सलाई बनाए उपराष्ट्रपतिको उम्मेदवार युएस खबर संवाददाताकाभा यू-२० महिला भलिबल च्याम्पियनसिप खेल्न जाने टोलीको बिदाइ युएस खबर संवाददाताअमेरिका बस्ने बुढाथोकीको सहयोगमा क्यास एपबाट अबैध कारोबार गर्ने ५ जना पक्राउ युएस खबर संवाददाताचौंथो पटक युरोकप जितेर स्पेनले बनायो विश्व कीर्तिमान युएस खबर संवाददातानवनियुक्त प्रधानमन्त्री ओलीले लिए शपथ युएस खबर संवाददाताकोपा अमेरिकाको उपाधि अर्जेन्टिनालाई

जुनसुकै पार्टीको होस्, भ्रष्टाचारीलाई कारबाही हुन्छ : मन्त्री श्रेष्ठ

उपप्रधानमन्त्री तथा गृहमन्त्री नारायणकाजी श्रेष्ठले  जोसुकै भए पनि भ्रष्टाचारीलाई नछाड्ने प्रतिबद्धता व्यक्त गरेका छन् । प्रेस सेन्टर नेपाल गण्डकी प्रदेशको साधारण सभाको उद्घाटन कार्यक्रममा बोल्दै श्रेष्ठले जुनसुकै पार्टीको भए पनि भ्रष्टाचारीलाई कारबाही गर्ने बताएका हुन् ।

नेकपा (माओवादी केन्द्र) का वरिष्ठ उपाध्यक्ष समेत रहेका श्रेष्ठले समृद्ध मुलुकको सपना, सामाजिक, आर्थिक रूपान्तरण सहितको समृद्ध नेपालका लागि भ्रष्टाचारको जालो तोड्ने अभियानमा सरकार दृढ रहेको जिकिर गरे ।  ‘अनुसन्धानका क्रममा आफ्नै पार्टीका कोही नेता कार्यकर्ता दोषी देखिए उनीहरूलाई पनि कारबाही हुन्छ,’ उनले भने ।

श्रेष्ठले सरकार, सदन र सडक तिन वटै मोर्चाको सदुपयोग गर्दै सुशासन, समृद्धि र समाजवादमा पुग्ने विश्वास व्यक्त गरे । उनले सामाजिक न्याय सहितको समृद्धिको लागि सरकारलाई सफल बनाउन कार्यकर्तालाई सहयोग गर्न अपिल गरे । पार्टी अध्यक्ष पुष्पकमल दाहाल ‘प्रचण्ड’को नेतृत्वमा सम्पूर्ण नेता कार्यकर्ता एकताबद्ध भएको जिकिर गर्दै कोही कसैले गुटबन्दी गरे, त्यो अपराध हुने जिकिर गरे

उनले माओवादी केन्द्र बृहत् बाम समाजवादी एकताको पक्षमा रहेको पनि बताए । ‘एउटा शक्तिशाली पार्टी निर्माणको अभियानमा छौँ । छिट्टै एकीकृत, क्रान्तिकारी शक्ति निर्माण गर्छौँ,’ मन्त्री श्रेष्ठले भने ।

TOP