प्रदेशसभामा पनि कांग्रेसले खाेल्याे खाता : मुस्ताङ- १ मा नाम्डु गुरुङ विजयी

प्रतिनिधि सभा तर्फको पहिलो मत परिणाम सार्वजनिक भएको हिमाली जिल्ला मुस्ताङमा प्रदेश सभा तर्फ पनि मत परिणाम सार्वजनिक भएको छ ।आईतबार सम्पन्न प्रतिनिधि सभा र प्रदेश सभा निर्वाचनमा प्रतिनिधि सभा तर्फ नेपाली काँग्रेस विजयी भएको मुस्ताङ १ मा नाम्डु गुरुङमा पनि नेपाली कांग्रेसका उमेद्वारले नै विजय हासिल गरेका हुन् ।

मुस्ताङको प्रदेशसभा १ मा नाम्डु गुरुङमा कांग्रेसका नाम्डु गुरुङ विजयी भएका छन् । एमालेका पुर्व प्रदेशसभा सदस्य इन्द्रधारा ड्याडु विष्टलाई पछि पार्दै १ हजार ४८ मत सहित कांग्रेसका नाम्डु गुरुङ प्रदेश सभा सदस्य निर्वाचित भएका हुन् । १ हजार ८ सय ५५ मत खसेको मुस्ताङको प्रदेशसभा १ (क) मा १४ मत बदर भएको थियो ।

मुस्ताङमा प्रतिनिधि सभा समदस्य पदमा नेपाली काँग्रेसका योगेश गौचन विजयी भएका छन । एकमात्रै प्रतिनिधि सभा निर्वाचन क्षेत्र रहेको मुस्ताङमा काँग्रेसका युवा उम्मेदवार गौचन ३ हजार ९ सय ९२ मत ल्याएर विजयी भएका हुन् । निकटतम् प्रतिद्वन्द्धी नेकपा एमालेका एमालेका उम्मेदवार प्रेम तुलाचनलाई ९ सय १४ मतले पछि पार्दै २९ बर्षिय गौचन बिजयी भएका हुन् । पराजित तुलाचनले ३ हजार ७८ मत प्राप्त गरेका छन् ।