Trending
युएस खबर संवाददाताकाठमाडौँ महानगरको श्रम बैंक मार्फत ९१२ जनाले पाए रोजगारी युएस खबर संवाददातारुकुम पश्चिममा बाढीले घर बगाउँदा तीन बालिकाको मृत्यु युएस खबर संवाददाताट्रम्पले जेडी भेन्सलाई बनाए उपराष्ट्रपतिको उम्मेदवार युएस खबर संवाददाताकाभा यू-२० महिला भलिबल च्याम्पियनसिप खेल्न जाने टोलीको बिदाइ युएस खबर संवाददाताअमेरिका बस्ने बुढाथोकीको सहयोगमा क्यास एपबाट अबैध कारोबार गर्ने ५ जना पक्राउ युएस खबर संवाददाताचौंथो पटक युरोकप जितेर स्पेनले बनायो विश्व कीर्तिमान युएस खबर संवाददातानवनियुक्त प्रधानमन्त्री ओलीले लिए शपथ युएस खबर संवाददाताकोपा अमेरिकाको उपाधि अर्जेन्टिनालाई

गृहसहितको मन्त्रालय दिन प्रधानमन्त्री तयार हुनुहुन्छ : मुकुल ढकाल

काठमाडौं । सरकारलाई दिएको विश्वासको मत फिर्ता लिने मनस्थितिमा पुगेको राष्ट्रिय स्वतन्त्र पार्टी शुक्रबारसम्मका लागि ‘होल्ड’ भयो । कारण हो– प्रधानमन्त्री पुष्पकमल दाहाल प्रचण्डले गृहसहितको मन्त्रालय दिने प्रस्ताव राख्नु ।

‘प्रधानमन्त्री दिन तयार हुनुहुन्छ,’ प्रवक्ता डा.मुकुल ढकालले भने, ‘नीति तथा कार्यक्रम पुनर्लेखन गर्न पनि प्रधानमन्त्री सहमत हुनुहुन्छ ।’ त्यसो भए रास्वपा सरकारमा सहभागी हुन्छ त भन्ने प्रश्नमा उनले भने, ‘मिहिन ढंगले अध्ययन गर्दै छौँ । सरकारको स्थिरता हेरेर निर्णय गर्छौं ।’

सरकारमा सहभागी भएका अन्य दलहरूसँगसमेत छलफल गरेर सरकारमा जाने नजाने निर्णय गर्ने योजना रास्वपाको छ । प्रचण्ड नेतृत्वको सरकार छिट्टै ढल्ने स्थिति आए रास्वपा सरकारमा नजाने संकेत गरेको छ । सरकारको आयु हेरेर रास्वपाले निर्णय लिने मनस्थितिमा पुगेको हो ।

प्रवक्ता ढकालले सरकारमा जाने या प्रतिपक्षीमा बस्ने निर्णय शुक्रबार गर्ने बताए । ‘केन्द्रीय समिति र संसदीय दलको संयुक्त बैठकबाट सरकारमा जाने या प्रतिपक्षीमा बस्ने निर्णय गर्छौं,’ उनले भने ।

प्रधानमन्त्रीको प्रस्तावका कारण नै रास्वपाले निर्णय शुक्रबारका लागि सारेको हो । रास्वपाको पहिलो सर्त १० पुसमा भएको सहमतिअनुसार गृहसहितको मन्त्रालय पाउनुपर्नेछ । दोस्रोमा नीति तथा कार्यक्रम पुनः लेख्नुपर्ने माग छ । तेस्रोमा सरकार स्थिर हुनुपर्ने र चौथोमा सरकारमा सहभागी हुँदा हस्तक्षेप हुन नहुने स्वायत्त भएर काम गर्न दिनुपर्ने सर्त रास्वपाको छ ।

TOP