Trending
युएस खबर संवाददाताबिहे गरेको वर्ष दिनमै दुबईकी राजकुमारीले गरिन् डिभोर्स युएस खबर संवाददाताअमेरिकामा विश्वकप आयोजना गर्नु आईसीसीका लागि अभिषाप सावित युएस खबर संवाददाताहर्क साम्पाङका समर्थकद्वारा पत्रकार धमलामाथि कुटपिट युएस खबर संवाददाताकाभा महिला च्याम्पियनसिपमा नेपाल आज श्रीलंकासँग पहिलो खेल खेल्दै युएस खबर संवाददातावर्षाले राष्ट्रिय सभागृह जलमग्न युएस खबर संवाददाताअमेरिकी राष्ट्रपति बाइडेनलाई कोरोना संक्रमण युएस खबर संवाददाताकाठमाण्डौ महानगरले न्युरोडमा फुटपाथ विस्तारको काम अघि बढायो युएस खबर संवाददाताओमानको समुद्रमा तेल ट्यांकर पल्टिँदा १३ भारतीयसहित १६ जना बेपत्ता

मेलम्ची, झापा लगायत देशका विभिन्न क्षेत्रमा बाढीको जोखिम: सुरक्षित रहन महाशाखाको आग्रह

बाढी पूर्वानुमान महाशाखाले देशका बिभिन्न जोखिमपूर्ण तटिय क्षेत्रमा नजिकका बासिन्दालाई सुरक्षित रहन आग्रह गरेको छ । महाशाखाले आज जल सतह बढेको जानकारी दिंदै मेलम्ची, सिन्धुपाल्चोक, झापा लगायतका तटिय क्षेत्रका बासिन्दालाई सुरक्षाका लागि अनुरोध गरेको हो ।

बाढी पूर्वानुमान महाशाखाका अनुसार मेलम्ची नदी नकोटेको बाढी मापन केन्द्रमा जलसतह हिजो साँझ भन्दा आज १.५ मिटरले बढेको छ । महाशाखाले मेलम्चीको तटीय क्षेत्रमा आकस्मिक बाढी आउनुका साथै कमजोर भिरालो जमिनमा पहिरोको जोखिम हुन सक्ने जनाइएको हो ।

विहान १० बजेसम्म अति उच्च सतर्कता अपनाउन चेतावनी दिएको महाशाखाका अनुसार मेलम्चीसंगै सिन्धुपाल्चोक, झापा, भोजपुरमा पनि बाढीको जोखिम ज्यादा छ ।

जसमा झापाको शनिश्चरे, चन्द्रगढी लगायत इलाम र झापाको सीमा आसपास केही स्थानहरूमा पछिल्लो समयको भारी वर्षाका कारण मेची, विरिङ, निन्दा, अदुवाखोला लगायत साना खोलामा बाढीको जोखिम रहेका छन् ।

त्यस्तै लगातारको बर्षाका कारण सिन्धुपाल्चोकको गुम्थाङ, धाप, नकोटे लगायतका क्षेत्र बाढीको जोखिममा रहेका छन् भने भोजपुरमा पनि सो क्षेत्र भई बग्ने साना नदीहरुमा बाढीको जोखिम ज्यादा रहेको बताईएको छ ।

महाशाखाले तटीय क्षेत्र तथा डुबान भइरहने होचा भू–भाग र पहिरोग्रस्त क्षेत्रमा रहनेहरूले दिउँसोसम्म उच्च सतर्कता अपनाउन आग्रह पनि गरेको छ ।

TOP