चन्द्रागिरीमा हिउँले पुरिएको अवस्थामा शव भेटियो, अनुसन्धान गर्दै प्रहरी
-
युएस खबर संवाददाता - २०७८ माघ १२ गते
काठमाडौं – काठमाडौं र मकवानपुरको सीमा क्षेत्रमा पर्ने चन्द्रागिरीमा एक पुरुषको शव भेटिएको छ । हिउँले पुरिएको अवस्थामा भेटिएको शव चार्टर्ड एकाउन्टेन्ट प्रज्वल पोखरेलको भएको पुष्टि भएको छ ।
प्रहरीले परिवारका सदस्यले घटनास्थलबाट शव पोखरेलको भएको सनाखत गरेको जनाएको छ । मृत्तक पोखरेलको माथिल्लो भागमा कुनै कपडा छैन् । शब हिँउमा गाडिएको अवस्थामा छ ।
प्रहरीले घटनाको अनुसन्धान कार्य भइरहेको जनाएको छ । महानगरीय प्रहरी परिसर ललितपुरमा शुक्रबार उनी कार्यालयबाट हराएको भन्ने जाहेरीपछि उनको खोजी तिब्र भएको थियो ।
परिसरका एसपी सिद्धीविक्रम शाहका अनुसार पोखरेल सीए भएको र उनी बिहीबार कार्यालयमा मोटरसाइकल र मोबाइल छाडेर सम्पर्क विहिन भएपछि प्रहरीले उनको खोजी तिब्र पारेको थियो ।
एसपी शाहका अनुसार क्लोज सर्किट क्यामेराको भिडियोमा उनी कार्यालय बाहिर सडकमा आएर ट्याक्सी चढेको देखिएको थियो । प्रहरीले बिहीबार नै उनी चढेको ट्याक्सी खोज्न सकुर्लर गरेपनि शुक्रबारमात्रै ट्याक्सी फेला परेको थियो
‘ट्याक्सी चालकले मृत्तकलाई मातातिर्थको जंगलमा छाडेको बताएपछि हामीले चन्द्रागिरी क्षेत्र र मकवानपुर समेतलाई खबर गरेका थियौं’ एसपी शाहले भने । एसपी शाहका अनुसार पी एण्ड एशोसिएटस नामक कम्पनीबाट उनी बिहीबार सम्पर्क बिहिन भएका थिए । उनले मोबाइल स्विच अफ गरेर कार्यालयमै छाडेका थिए ।
घटनास्थल मकवानपुरको ईन्द्रसरोवर-५ मा रहेको प्रहरीले जनाएको छ। मकवानपुरका एसपी सुरेन्द्र गुरूङले अनुसन्धान अधिकृतको टोली चिकित्सक सहित घटनास्थल पुगेर अनुसन्धान गरेपछि मात्र घटना कसरी भएको हो भन्न सकिने बताए ।
-
युएस खबर संवाददाता
अमेरिका
थप सामाग्री
ट्रेन्डिङ
-
विद्यालयमा अन्धाधुन्ध गोली चलाएर पूर्वविद्यार्थीले…
२०८२ जेष्ठ २९ गते
-
ट्रम्पले निष्काशित गरेका नेपालीहरु केहि…
२०८२ जेष्ठ २७ गते
-
अमेरिकामा आजदेखि १२ देशका नागरिकहरूलाई…
२०८२ जेष्ठ २७ गते
-
बाढीले डाइभर्सन बगाउँदा पूर्वपश्चिम राजमार्ग…
२०८२ जेष्ठ ३० गते
-
आप्रवासी प्रदर्शन रोक्न ट्रम्पले चालेको…
२०८२ जेष्ठ २७ गते
