धादिङको रुबिभ्यालीमा सडक खन्दै गरेको डोजर सहित ३ जना पुरिएर बेपत्ता

धादिङको रुबिभ्यालीमा पहिरो खस्दा डोजर सहित ३ जना पुरिएका छन् । उत्तरी धादिङको रुबिभ्याली-१, पुरुमा खसेको पहिरोले डोजर सहित ३ युवा पुरिएका हुन् ।
पहिरोमा पुरिएर डोजर चालक सिन्धुपाल्चोकका आकाश तामाङ, सहचालक राजु तामाङ र स्थानीय धन तामाङ पुरिएका छन् ।

रुबिभ्याली(१ को पुरुबाट लिङ्जो जाने सडकको नयाँ ट्र्याक खोल्ने क्रममा सडक खन्दै गरेको बेला माथिबाट खसेको पहिरोले पुरिएर बेपत्ता रहेका उनिहरुको खोजी कार्य ढिला भएको छ । पहिरो खस्ने क्रम नरोकिएका उद्धार गर्न कठिन भै रहेको बताईएको छ ।

विकट मानिने सो स्थानमा प्रहरी चौकीको समेत पहुँच नभएकाले घटनाबारे थप बिबरण आउन सकेको छैन । जिल्ला प्रहरी कार्यलय धादिगंका अनुसार घटनास्थल नजिकको सेर्तुङ प्रहरी चौकी पनि चार घण्टाको पैदल दुरीमा पर्दछ ।