Trending
युएस खबर संवाददातानवौँ महिला एसिया कपमा नेपाललाई पहिलो सफलता, यूएई ६ विकेटले पराजित युएस खबर संवाददातान्यूरोडको फुटपाथ विस्तारको विरोधमा स्थानीय र महानगर प्रहरीबीच धकेलाधकेल युएस खबर संवाददाताएक हप्ता बित्दा पनि भेटिएनन् त्रिशूलीमा खसेका २ बस युएस खबर संवाददाताट्रम्पको दाबी: म राष्ट्रपति भएको भए रुस-युक्रेन युद्ध कहिल्यै हुने थिएन युएस खबर संवाददातान्युरोडको फुटपाथ विस्तारको विरोधमा उत्रिए स्थानीय युएस खबर संवाददाताबिहे गरेको वर्ष दिनमै दुबईकी राजकुमारीले गरिन् डिभोर्स युएस खबर संवाददाताअमेरिकामा विश्वकप आयोजना गर्नु आईसीसीका लागि अभिषाप सावित युएस खबर संवाददाताहर्क साम्पाङका समर्थकद्वारा पत्रकार धमलामाथि कुटपिट

बाँकेको खजुरामा दुई करोड लगानीको पौडी पोखरी सन्चालनमा

बाँकेको खजुरा गाउँपालिकामा अन्तर्राष्ट्रिय स्तरको पौडी पोखरीको उद्घाटन गरिएको छ । निजि स्तरबाट निर्माण गरिएको वडा नम्बर ४ मा रहेको खजुरा मिनिपार्क एण्ड रिसोर्ट उद्यानले पोखरी सन्चालनमा ल्याएको हो । खजुरा गाउँपालिकाका अध्यक्ष डम्बर बहादुर विक र उपाध्यक्ष मन्जु मल्लले सयुक्त रुपमा पौडि पोखरीको उद्घाटन गरे । पौडि पोखरीको उद्घाटन गर्दै खजुरा गाउँपालिकाका अध्यक्ष विकले खजुराको पर्यटन प्रवद्र्धनमा पौडि पोखरीको ठुलो भुमिका रहने उल्लेख गरे ।

अध्यक्ष विकले रमणिय पार्क सहित मिठा परिकार पाउने र साथैमा पौडिको मज्जा लिन पाउने जिल्लामै पहिलो ग्रामिण स्तरमा खुलेको अन्तराष्ट्रिय पौडि पोखरी रहेको बताए । यस किसिमको कार्यले खजुरामा आन्तरिक तथा बाह्य पर्यटकको वृद्धि हुनेमा विश्वस्थ रहेको उल्लेख गरे । खजुरामा पौडिको खेलाडि उत्पादन गर्न यस पौडि पोखरीको प्रयोग अत्याधिक हुने र यस कार्यमा पालिका सहयोगि भुमिका निभाउने उनले बताए ।

गाउँपालिकाका उपाध्यक्ष मन्जु मल्लले पौडि खेल्नकै लागी नेपालगन्ज लगाएतका क्षेत्रमा जानपर्ने बाध्यता हटेको बताउँदै खजुराको विकासमा पनि यसले महत्वपुर्ण भुमिका खेलेको उल्लेख गरिन् । स्थानिय स्तरमा पनि स्तरिय पौडि पोखरी निर्माण हुनु गौरबको विषय बनेको उपाध्यक्ष मल्लले बताइन ।

उद्यानका संचालक टेक श्रेष्ठका अनुसार ‘स्वास्थ्य र सुरक्षाकोलागि, खेलाडी राष्ट्रको लागि’ भन्ने नाराका साथ उक्त पोखरी संचालनमा ल्याइएको हो । ‘यो पौडी पोखरी मनोरञ्जन गर्नका लागिमात्रै नभएर खेलाडी उत्पादन गर्ने उद्देश्यले पनि निर्माण गरिएको हो,’ संचालक श्रेष्ठले बताए । श्रेष्ठका अनुसार उक्त पोखरीको लम्बाई २५ मिटर र चौडाई १.५ मिटरको रहेको छ । जहाँ एकैपटक ६ जना खेलाडीले पौडिन सक्नेछन् । करिब २ करोड बढि रुपैयाँ लागतमा निर्माण गरिएको पोखरीको गहिराई ३.५ फिटदेखि ७ फिटसम्म रहेको छ भने बालबालिकाका लागि छुट्टै १.५ फिट गहिराईको पोखरी निर्माण गरिएको छ ।
उक्त पोखरीमा प्रशिक्षणको समेत व्यवस्था गरिएको छ । लुम्बिनी प्रदेश प्रशिक्षक चन्दरराम चौधरीले नयाँ व्यक्ति तथा बालबालिकालाई प्रशिक्षण दिनेछन् ।

त्यस्तै पौडी पोखरीलाई आकर्षण गर्नका लागि वरिपरी विभिन्न स्थानका चित्रकला समेत पेन्टिंग गरिएको छ । भने सुरक्षालाई मध्यनगर गर्दै लकरको पनि व्यवस्था गरिएको छ ।

पौडी पोखरीमा विद्यार्थी तथा बालबालिकाका लागि ३ सय र अन्य व्यक्तिका लागि ३ सय ५० रुपैयाँ शुल्क राखिएको श्रेष्ठले बताए । उद्घाटन समारोहमा सन्चालक श्रेष्ठले तिन दिन सम्मका लागि २०० मै सबैले पौडिको मजा लिन पाउने व्यवस्था मिलाइएको बताए । समारोहमा बाँके बाट राष्ट्रिय स्तरको पौडि खेल खेल्ने खेलाडिहरुलाई सम्मान समेत गरिएको थियो । पौडि प्रशिक्षक चन्दराम चौधरी र पेन्टिङ्ग कलाकार दुर्गा भण्डारी लाई समेत सम्मान गरिएको थियो ।

TOP