झापाली समाज टेक्ससले विस्तारित बैठक राख्दै:  स्कलरसिपका लागि ५ लाख नेपाल पठाउने तयारी

झापाली समाज टेक्ससले संस्थाको विस्तारित बैठक फेबु्रअरी तेस्रो साता राख्ने भएको छ । झपा समाज अमेरिकाकी अध्यक्ष यमुना भट्राईको सहितको उपस्थितीमा समाजले आगामी फेबु्रअरी १९ तारिकका दिन विस्तारित बैठक राख्ने भएको हो ।

संस्थागत पछिल्ला कार्यहरुको समिक्षात्मक छलफल सहितको यस विस्तारित बैठकमा गत तिहारमा देउसी भैलोबाट उठेको नेपाली रकम ५ लाख नेपालका विद्यार्थीको स्कलरसिपका लागि दिने विषयमा निर्णयात्मक छलफल हुनेछ ।

मातृभूमि नेपालको शिक्षा स्तरोन्ततीका लागि सहयोगार्थ रकम पठाउ ने तयारीमा रहेको समाजको विस्तारित बैठकमा यस रकम हस्तान्तरणको आवश्यकता, महत्व र मातृभूमिप्रतिको दायित्वका विषय केन्द्रिय छलफलको विषय रहने छ ।

झापाली समाज टेक्सस सचिव श्रद्धा अधिकारीको सभापतित्व रहने कार्यक्रममा सचिव अधिकारीले समाजका बारेमा प्रकास पार्नुका साथै सहयोग रकम सम्बन्धमा पनि आफ्ना धारणा राख्ने कार्यक्रम रहेको छ ।

 

TOP