मनसुनबाट ५१ जिल्ला प्रभावित, ४६ जनाको मृत्यु
-
युएस खबर संवाददाता - २०७८ पुष २४ गते
यस वर्षको चालु मनसुनबाट ५१ जिल्ला प्रभावित भएको छ। गृहमन्त्रालअन्तर्गतको विपद् पूर्वतयारी तथा प्रतिकार्य शाखाका अनुसार यस वर्षको बाढी–पहिरोबाट ४६ जनाको मृत्यु भएको छ।
बाढी-पहिरोमा परी ३१ जना हराइरहेका छन्। संखुवासभाको सुप हेवा हाइड्रोका १९ जना मजदुर अहिलेसम्म बेपत्ता नै छन्। उनीहरू असार ४ गतेको बाढीमा बेपत्ता भएका हुन्।
मनसुनजन्य विपद्मा परी ५९ जना घाइते भएका छन्। १५६ घरमा पूर्ण क्षति पुगेको छ भने ६८२ घरमा आंशिक क्षति पुगेको महाशाखाले जानकारी दिएको छ।
पहिरोबाट मकवानपुरमा ५, ओखलढुंगामा ४ जनाको मृत्यु भएको छ। बाढी-पहिरोबाट संखुवासभामा ३, पहिरोबाट ताप्लेजुङमा ३, बाढीबाट पाँचथरमा ३, पहिरोबाट अर्घाखाँचीमा ३, दोलखामा ३ जनाको मृत्यु भएको छ। बाढी-पहिरोबाट काठमाडौं, रूकुमपश्चिम, रसुवा, बैतडी, गोरखा, तनहुँ, भोजपुरमा २-२ जनाको मृत्यु भएको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले यस वर्षको मनसुनबाट १२ लाख ५४ हजार प्रभावित हुने प्रक्षेपण गरेको छ। अहिले देशभर मौसम सक्रिय रहेको छ। आजदेखि मौसममा सुधार देखिन जल तथा मौसम विज्ञान विभाग, मौसम पूर्वानुमान महाशाखाले जानकारी दिएको छ।
-
युएस खबर संवाददाता
अमेरिका
थप सामाग्री
ट्रेन्डिङ
-
मनकारी पाण्डे जस्ले दिए मन्दिरको…
२०८१ माघ ८ गते
-
अमेरिकामा बन्द भयो टिकटक, कारण…
२०८१ माघ ६ गते
-
यु–१९ महिला विश्वकपमा नेपाल स्कटल्याण्डसँग…
२०८१ माघ ७ गते
-
चितवनमा एक युवालाई कुटपिट गर्ने…
२०८१ माघ ७ गते
-
श्री एयरलाइन्सले उडान ढिला गरेपछि…
२०८१ माघ ६ गते
