कोलोराडोको डेनभरमा हिमपात: आपसमा ठोक्किएर १०० गाडी दुर्घटना – केही राजमार्ग अवरुद्ध

अमेरिकाको कोलोराडो राज्यको डेनभर शहरमा हिमपातका कारण १०० वटा गाडी दुर्घटना भएका छन् । सिजनको पहिलो हिमपातपछि शुक्रबार बिहान कम्तिमा १०० सवारी साधन दुर्घटनामा परेको हो ।

रातभरी परेको हिउँ पछि चलेका गाडीहरु ठुलो संख्यामा दुर्घटना भएपनि डेनभर राजमार्गका केही भागहरू बन्द समेत गर्नु परेको थियो ।

हिमपातका कारण अनियन्त्रित भै आपसमा ठोक्किएर दुर्घटना भएका ति गाडिहरुमा सबार प्राय सबै नै घाईते भएका छन् भने केहीको अवस्था गम्भिर रहेको अमेरिकन समाचार गृहहरुले जनाएका छन् ।

दुर्घटना फेरी पनि दोहोरिन सक्ने संभावना बढेपछि कोलोराडोका उत्तरी कालामाथ मार्ग र उत्तर फेडरल व्लुभर्डको पूर्वी र पश्चिमतर्फको पश्चिम मार्ग बन्द गरिएको थियो ।

नेपालीहरुको समेत वाक्लो बसोबास रहेको डेनभर क्षेत्रमा हिमपात हुँदा त्यहाँको नेपाली समुदायमा पनि प्रभाव देखिएको छ । हिमपातकै कारण १०० वटा गाडी आपसमा ठोक्किएर दुर्घटना भएपछि काममा जानुपर्नेहरुलाई पनि समस्या परेको छ ।