काठमाडौ-३ मा कांग्रेसका सन्तोष चालिसे निर्वाचित

काठमाडौ क्षेत्र नं. ३ मा नेपाली कांग्रेसका सन्तोष चालिसे निर्वाचित भएका छन् । नेकपा एमालेका उम्मेदवार कृष्ण राईलाई फराकिलो मतान्तरले पछि पार्दै चालिसेले १५ हजार १ सय ५८ मत सहित प्रतिनिधि सभा सदस्यमा निर्वाचित भएका हुन् ।

०७४ सालमा सो क्षेत्रबाट निर्वाचित राईलाई यस पटकको निर्वाचनमा चालिसेले सुरुवाती समयबाट नै पछि पार्दै आएका थिए । पराजित राईले ११ हजार १ सय ९६ मत प्राप्त गरेका छन् । चालिसे ३ हजार ९ सय ६२ मतान्तर सहित विजयी भएका हुन् ।

वडा अध्यक्ष हुँदै गोकर्णश्वर नगरपालिकाका निवर्तमान मेयर र नेपाली कांग्रेसका क्षेत्रिय सभापतिको जिम्मेबारी कुशलतापूर्वक निर्वाह गरेका चालिसे प्रतिनिधि सभा सदस्यमा निर्वाचित हुने अनुमान पहिले नै गरिएको थियो ।

काठमाडौं क्षेत्र नं. ३ मा प्रदेश सभा सदस्य तर्फ पनि कांग्रेसले नै जितेको हासिल गरेको छ । कांग्रेसका छिरिङ दोर्जे र विमल ठकुरी दुवै जना विजयी भएपछि यस पटक ३ नं. क्षेत्रबाट पूर्ण रुपमा काँग्रेसले विजय हासिल गर्न सफल भएको हो ।