कोभिड विरुद्धको नेपालको लडाईंमा थाईल्याण्डको सहयोग

कोभिड पेण्डामिक दोस्रो लहरले नेपाल आक्रान्त बन्दै गएपछि थाईल्याण्डले सहयोग हस्तान्तरण गरेको छ । दोस्रो लहरको कोभिड–१९ विरुद्धको नेपालको लडाइँमा सघाउन थाइल्यान्डले १७ थान अक्सिजन सङ्केन्द्रक प्रदान गरेको हो ।

सङ्केन्द्रक नेपालका लागि थाइल्यान्डका राजदूत भोसिटा भोरासाले शुक्रवार त्रिभुवन अन्तर्राष्ट्रिय विमानस्थलमा आयोजित एक सङ्क्षिप्त समारोहमा स्वास्थ्य तथा जनसङ्ख्या मन्त्रालयका प्रमुख विशेषज्ञ डा रोशन पोखरेललाई हस्तान्तरण गराएका १७ थान अक्सिजन सङ्केन्द्रक थाइल्यान्डका जनताले थाई गुम्बा लुम्बिनी मार्फत उपलब्ध गराएका हुन्।

पछिल्ला साताहरुमा नेपालमा कोभिड पेण्डामिकको दोस्रो लहरका कारण ठुलो संख्यामा मानिसको मृत्यु हुनुका साथै दैनिक हजारौंको संख्यामा संक्रमित बढ्दै गएपछि थाईल्याण्डका जनताले स्वत स्फुर्त रुपमा सहयोग गरेकाले नेपाली दुतावासले थाइल्यान्डका जनताबाट प्राप्त उक्त सहयोग नेपाल र थाइल्यान्डबिचको आत्मीय एवम् सद्भावपूर्ण सम्बन्धलाई प्रतिबिम्बित गरेको जनाएको छ ।

TOP